Tikno rodaripa sine kerdo bašo maribaskere bibahtalipa mujal o preperutne taro majbaro minjoriteto an i BiH , a šubikeriba konkretno nane akale pučibaske trujal o fakti kote baro numero Roma sine phanle, deportirime thaj mudarde.

O Bahrija Otanović , Rom tari Sreberenica , ko vakti e maribaske nađavgja 33 dženen pe familijatar ki akaja bosansko diz.

22 berša palo parafiriba Dejtonsko kontrakto sp ćhivgja pe agor e maribaske niko panda nane dendo an o kriso bašo olengoro mudariba.

"Sare sine mudarde ko diferentno forme. Neko gelo palo pani, thaj sine čhinde" liparel o Otanović. " Amen na gelem tari Srebrenica soske manglem te dživdina odori. Vakera sine "Nikaske na keraja khanči, na keraja zijani, thaj odoleske na trubul te dža tari diz". Sebepi akava buteder Roma ačhile dživde".

Angleder o mariba an i Srebrenica sine 53 romane familie kote savore gejnen sine an o proskeo po 6 džene. Avdive an i Srebrenica nane ni jekh Rom. Akaja tragedia e Romencar tari Srebrenica thaj nanipa evidencia jali faisali e problemeske si kiavdo an i situacia ko buteder thana an i Bosna.

O informacie so dengje o NGO sugeririnena kaj o Roma ko vakti e maribaske sine mudarde, majbut an o Prejdor, Kozluk, Doboj, Srebrenica, Bratunac, Vlasenica thaj Zvornik. Ola notirinen kaj sine thaj bari deportacia e Romenge ki Bjelina.

Numa nan oficialno statistike an i konekcia akale bibahtake thaj niko nane krisime bašo mudariba upral o Roma ko bosanso mariba, si li o Internacionalno Tribunalo baši Ex Yugoslavia, MKTJ, an o Hag jali an o BiH bašo maribaskere an o Saraevo.

Jekhutno drom mujal o bibahtalipa premal o Roma eksplicitno sar krisi sine o procesi mujal ex kosovakoro premieri Ramuš Haradinaj an o Hag an i konekcia e akcienge ko vakti taro konflikti ko 1999 berš an i odoja provincia.

 

Link: http://www.justice-report.com/en/articles/the-forgotten-roma-victims-of-the-bosnian-war

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 154

Yesterday 235

Week 917

Month 6760

All 358743

Currently are 56 guests and no members online

Kubik-Rubik Joomla! Extensions