-Khuvena sine ko tavani taro sa o riga e khereste khuvgje andre thaj sa phagle. Na trubul sine pobuter taro 10 minutia - vakergja o Miša Radosavljević sikavibaja sa odola phage kotora.

"O čhave sovena sine kana počmingje te peraven o kher. O tavani perel sine o džamia phajroma sine a o čhave rovena sine. Paj sine te mudaren amen"

Holame kerel sine lafi i Vesna so dživdinela an o kher an i Rakovica kana ko savato javinate zorea sine frdime an o drom tari baraka duj romane familie.

Ola anglutne khuvgje nalegalno ki barakaaso o faktia tari firma "Zapadna Srbija" so si gazda e phuvjake.

I familia tari Miša Radosavljević thaj oleskiri phen i Vesna uštile tari galama kana počmingje te peraven o kher.

Siga lele e čhaven thaj iklile avrial so perel sine taro sa o riga.

Odothe dživdinen sine o Mišo thaj oleskiri romni i Sandra thaj olengere 4 čhave thaj oleskiri phen i Vesna pe romea e Vladicaja thaj olengere 5 čhave.

- Dživdinaja an i dar. Sovaja ko drom jekh taro čhave si nasvalo tari sporiaza thaj akana tari dar si panda ponasvalo.

Pulava man dali than taro 50m2 si majmoldime taro 13 dmanušiukane dživdipa. thaj nadžanava so ka ovel majodorig amencar.

Ni jekh institucia na kergja reakcia - vakeren o familie.

Tari policia vakeren kaj resle notifikacia peraviba e khereske numa kaj peraven o tavani.

Akava kher si ki kjoša e dormenge Vidikov venec thaj Susedgradska thaj i familia nalegalno avili an o 2009 berš. O lokacia kote dživdinen sine sine nalegalno kerdi tari froma "Zapaden Balkan" a persi berp i fiirma startujngja te iranel akava placi ko piro anav.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 24

Yesterday 244

Week 24

Month 2844

All 363434

Currently are 62 guests and no members online

Kubik-Rubik Joomla! Extensions