O tiketia e Superkupeske tari UEFA so ka khelel pe an o Skopje ko 8 avgusto ka šaj te kinen pe salde prekal oficialno internet sjti tari UEFA so udžarel pe ko divesa so avena te den pe dopherde informacie so si konektirime e proceduraja bikiniba.

I aplikacia prekal o Internet trubul te ovel an o periodo maškar 13 juni thaj 4 kuli, dži kote okola so ka resen dži ko tiketo ka oven notirime prekal lotaria, soske udžarel pe baro intereso te dikhel pe akava dueli maškar o europakoro šampioni o Real Madrid thaj o timi so lelja Liga Europa o Mančester Junajted. O intereso an i Makedonia si but baro soske isi pherdo pučiba so si konektirime e tiketencar so ka oven moldipaja taro 15 dži ko 40 eura aso džiakanutne informacie.

Barabutne 23.000 biletia ka oven mukhle an o bikiniba prekal i UEFS a ko bikiniba nane te oven prioriteto o dizutne tari makedonia. Sako ka šaj te aplicirinel ko phravdo bikiniba, a dži kote o aplikacie nakhaven o numero 23.000 tegani o UEFA ka anel decizia prekal i lotaria. O klubia ka len po 7% taro biletia, 25 % taro stadioni ka oven dende baši UEFAS , e lokalno federaciake, mediumia thaj avera

O portalo bašo bikina biletoa ko UEFA Super Cup 2017

O finale ka khelel pe ki Nacionalno arena Filip II Makedosnki an o Skopje, Republika makedonia ko 08 avgusto 2017 berš taro 20:45 o časo (lokalno vakti)