O nekobor beršengoro nahaljovipa taro duj riga taro IRU- jekhe rigatar IRU -Viena kaskoro presidento si o Zoran Dimov, thaj IRU-Latvia kote si presidento o Nortmund Rudevic si čhivdo agor.
Ano pervazia anglutne aktivitetenge thaj abruštipa so sine ikerdo na o 23 januari 2018 berš an o Berlino - Germania ko ofiso taro EVZ Fondacia sine kerdo mitingo maškar o duj Riga. An o odova mitingo trujal o IRU presidentia Dimov thaj Rudevic than lele o Ivan Bariev tari Rusia, Gruja Bumbu Romania, Vasilia Dragoi Moldavia, Roman Čonjanski Polska, thaj o duj advokatia Dr Frank Repenhagen tari Germania thaj Bari Fiđer USA.
Šerutni tema sine ko ka ovel membro taro IRU an o Bordo taro EVZ an i Germania kaskoro than ko Bordo sine bizo membripa.
An o odova mitingo than lele thaj o duj šerutne manuša an i EVZ Fondacia o Direktoro e fondaciakoro Dr Andreas Eberhart thaj o Šefo e bordoske o Dr Harald Braun .
An o intereso e romane naciake an i Europa thaj lumia o duj riga angje konkluzia aso mediacia taro EVZ thaj si notirime kaj o Zoran Dimov ka ovel aktuelno membro an o Bordo an o EVZ sar IRU membro mandatoa taro 1 berš.
Ko jekh an o akava historikano momento taro IRU sine dendi signatura an o Memorandumo vash barabutno aktiviteti maškar o Presidiumo taro o duj IRU-a thaj olengere delegatora thaj membrora.
Jekh taro importantno nukte an o odova Memorandumo si kaj an o avutno Kongreso taro IRU kote sid endi i tema taro Gratan Puxon sar Demokratsko transicia prekal elektronsko votiba a ka ikerel pe an o 2019 berš an o London UK o duj IRU te len than sar jekh IRU an o Kongreso so si jekh bari nevi hiastorikani viktoria e IRU-ske thaj saste romanenaciake an i Lumia.
Akana ačhola salde barabutne thaj uni8me sar o Nortmund Rudevic thaj o Zoran Dimov thaj sasto delegatia te lačharen i situacia e Romenge an i lumia.
