Pativalen,

Akale lilea kamav te vakerav saste lumiake bašo so si o čačutne motivia e fantomsko "Lumiakiri romani federacia - WRF"

Majnaglal saste manuša sine zapendžarde prekal Socialno networko thaj FB statusia taro "inicijatoria formiribaske o WRF - World Roma Federation". 

Akate sar portparolia majbut sine o jammie Sztoika - Rom tari Amerika thaj i irina Daniela Hamidović.

Ola majanglal dengje informacia baši inicijativa te kerel pe aso sa elementia nalegalno thaj nalegitimno Kongreso an i Ungaria ko 18 juni 2017 berš. Bičhaven sine čuče formularia vash aplikacia te lel pe than an o odova Kongreso bizi definicia soske ka kerel pe vorba thaj bizi Agenda.

Palo odova te šaj "vazden piro rejtingo" akale kongresoske , majbut i Irina daniela Hamidović startujngja konstantno "antikampanja" mujal persone so si legitimno persone an o romane validno organizacie maškar olende thaj ko olakoro FB live čhungarel sine an o IRU sar organizacia, olakere membria thaj majbut e presidente Zoran Dimov.

Oj ko pire FB live kerel sine ladžavutne thaj bibahtale formulacie mujal o IRU thaj o Zoran Dimov notiribaja hohavina , dezinformacie  bizo faktia thaj argumentia.

Ko jekh o Jammie Sztojka proklamirinel sine akava nalegalno Kongreso thaj nikana thaj nikote na vakergja soske čače kamen te formirinen akaja organizacia.

Ola anibaja ki hohavin e romane thaj aver publika te sikaven pe sar organizacia so ka oven Romane lideria an i lumia!

Odokhare telutni thaj providno mangin olengere rigatar.

majanglal thaj fundavne ko si ola korkoro te promovirinen pe sar presidentia membria sa e Romenge!

Ko olen notiringja? Ko sine odola Roma so avile an i Ungaria ko odova Kongreso? Kaste ola prezentirinena?

Dikhen pe o "melale khelina" taro kammie Stzojka , Irina Daniela Hamidović thaj i kompania!

Kobor si melali khelin! Korkoro bizo dendo averendar mandati den peske nominacie thaj funkcie (Presidentia, vicepresidentia thaj aver) a odola "korkoro proklamirime presidentia" ka sikaven o Romane interesia!

Džanen li ola savo kriminalo kerena. Formirinen lumiakiri organizacia, bizo Statuto, bizi programa, bizo plano, bizo delegatia, membria, parlamento.

Bičhave čuče formularia bizo logo, štembilo, agenda thaj prekal socialno FB networko!

Ikergje odova "fantomsko Kongreso" an i Ungaria , a save si ande decizie thaj so kergje buti ni jekh nadžanela! 

O korkoro "inicijatoria akale Kongresoske" palo odova korkoronotiringje pe sar " validno membria an o WRF - World Roma Federation".

 

Te lipara rajonalen , o IRU sar organizacia kaskoro mandato si validno soske si reprezentirime taro upreder 50 delegatia Roma tari sasti lumia kote lp šore Parlamentarno mitingia thaj Kongresia akceptirinen pe funkcioneria an o URU , deiba vota taro IRU delegatia.

Aso i dinamika an o plani thaj programa taro IRU ko avutno Kongresi 2020 berš si planirime implementacia e Demokratsko tranzicia (proekti dendo taro jekhto IRU generalno sekretari Grattan Puxon so ka kerel majzorale em majvalidno mandato prekal elektronsko vota tari romani nacia).

Trubul te akcentirinav kote an i akaja "khelin" taro WRF - World Roma Federation sebepi salde profito thaj šajdipa ko nalegalno froma te khuven an o europakere thaj aver institucie te šaj len love ko "anav e Romenge". Aso o uprenotirime sa kava si "fakti" taro Jammie Stzojka , Irina Daniela Hamidovičć thaj olengere paše kompanjonia.

Sa buteder notirinel pe i reakcia prekal o Romano Networko  kote baro numero romane organizacie , asociacie, federacie thaj aver pučena pe so čače kamen thaj so keren o jammie Stzojka , irina Daniela Hamidović thaj olengere paše.

Ola keren reakcia prekal o lila dži ko sa relevantno internacionalno thaj europakere institucie (ERTF,Open Society Foundation,UNESCO, European Commission, European Parliament, The World Bank,International Organisation for Migration (IOM), European Roma Rights Center, HELSINKI CITIZENS ASSEMBLY / ROMA SECTION, OSCE, ERSTE Foundation, Progress Foundation, Roma Education Fund, Project on Ethnic Relation thaj avera),  ma te akceptirinen olengere paramisia kaj si ola validno.

Odoleske notirinen thaj manuša so sine an o mitingo an i Ungaria ko 18 juni kana rodingje irame informacie taro o Koordinatoro taro WRF - World Roma Federation save si o ande decizie , thaj duj kurke palo agor o koordinatoro panda na irngja ko olengere e maila sar informacia numa bučhavgja lenge video klipia kote isi atako thaj bilačhi konverzacia upral o IRU , a khanik an i konekcia e "ikerde Kongresoske an i Ungaria".

O manipulacie taro WRF - World Roma Federation si fakti.

Del pe pučimnata kote si olengiri transparetnost save si decizie so si ande an i odova "Kongreso"? Kote si akana o Robert Berger tari Austria te sikavel i registracia akale "fantomsko organizaciake", thaj ko si o membria?

Ko agor te bičhavav o apeli dži ko sa relevantno internacionalno romane, na-romane institucie thaj organizacia thaj avera te den o pučiba akale organizaciake thaj olengere mangina thaj validiniteto!

I sasti akaja khelin ko "korkoroproklamirime lideria an o WRF - World Roma Federation„ si fakti kaj si but melali. Ola anen salde hulavipa , konfuzia, diskreditacia a resarinaja saste personalno profito. Ola si "drabardo thaj putardo liloro"

 

Respekta

Zoran Dimov

Presidenti Internacionalno Romani Unia - IRU

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 88

Yesterday 430

Week 694

Month 3241

All 347002

Currently are 48 guests and no members online

Kubik-Rubik Joomla! Extensions