Erati an o pervazia an i Konferencia ” Plani vash Inkluzia e Romenge an i Svedska 2017-2020” so sine an o Stokholm trujal aver membria tari Romano NGO sektoro an i Svedska, than lele thaj o IRU membria legarde taro presidento o Zoran Dimov, o sefi sa e IRU komisienge Rosita Gronfors, vicepresidento an o IRU Stefan Kuzichov, O sefo e Komisiake vash edukacia, chib thaj uka Ajten Berafla, O sfeo vash IRU Kris Gregor Julson thaj o Gen.sekretaro an o IRU Ramus Muarem.
Maskar o aver odothe sine thaj o Ministeri vash kultura thaj demokratia i Alice Bah Khunke. Ko vakti e konferenciake o IRU presidento o Zoran Dimov thaj o Sefo vash sa IRU Komisie i Rosita Gronfors sine len dikhiba thaj dialog e ministerea Khunke kote kergje lafi vash majbut nukte so si an i konkecia e Romencar tari Svedska thaj an o regioni. E ministerske sine prezentirimi i Strategiakiri IRU Programa thaj aktivitetia so avena. Ko jekh o ministeri Khunke akcentiringja kaj i Svedska si demokratsko them thaj kerel progresia saste integraciake e Romenge an o sa nukte dzivdipaske. Dzi akana reslja pe but numa majodorig ka dzan te resen majuco nivelo. Ko jekh tari rig e ministereske sine notirime kaj ka kerel zori vash realizacia pobuter startujme proektenge so si konektirime vash kultura thaj demokratia. Liparibaske si kote an o 01 oktombar an o Stokholm ka ikerel pe mitingo e Sefencar taro sa o IRU Komisie so ka kerel pe prezentacia taro startesko pervazia thaj programe an o IRU an o periodo dzi ko 2020 bers.
