Ko 21 avgusto 2016 berš - kurko avgo drom an i historia taro organizirime mitingoa i Internacionalno Romani Unia - IRU anel jekh nevi moderno video konferencia.
Akaja forma tari video konferencia del šajdipa ko jekh momenti kvalitetno komunikacia maškar o manuša so si direktno an o linko ko odova momento.
Akava segmenti istemalkerel pe akaja moderno tehologia dela šajdipa ko jekh momenti an i audio video komunikacia upreder 50 personenge.
Odoleske ko kurko ko 21 avgusto paše 50 IRU delegatia taro 35 thema taro 5 kontinentia ka oven konektirime ko jekh linko tari akaja video konferencia thaj ka diskutirinel pe ko sa importantno teme so si an i konekcia taro IRU aktivitetia thaj strategia.
Akaja forma video konferencia ko jekh si testi ko avutnipa o URU membrora thaj delegatora te oven majaktivno thaj del šajdipa prekal direktno kontakto maškar peste ko sako momenti kana trubul odova te kerel pe.
I video konbferencia ko jekh ka ovel la efekti sar organizirime mitingia, dikhiba, sesie thaj aver kote o finansisko efekto ka ovel panda majlačheste, numa o kuč dromaripa, akomodacia thaj aver. Akava si motivo odola love so isi an o IRU te oven hardžime odoleske ka šaj te kerel pe aver targetenge thaj prioritetenge.
O sasto tehnikano proceso akale formake tari tehmološko komunikacia si i kompania "Anton Soft" www.anton-soft.com thaj olakoro šerutno o Elvis Hajdar, kote ko jekh si kooperanti an i realizacia e Web portaleske Roma Times News - www.romatimes.news thaj i Oficialno Web rig taro IRU - www.iromaniunion.org
