Den man than te hulavav nekobor faktia e drabarutnenge. Amare darhie si an o Utar tari India a o naučnikia notirinen kaj i imigracia startujnela angleder milja berša. Isi amen barabutni čhib, pendžardi sar Romani čhib thaj si buvle an i sasti lumia. "Roma" si terminologia e grupake so si an i Europa sar identifikaciua , maškar o aver o Roma si identificirime thaj sar , Gitanos, Kale, Sinti, Manuša, thaj dromarutne.

 

Ola ki pežorativno forma si anavkerde thaj sar "Cigani" Si pobut taro 14 milioni an i lumia, a amjbaro kotor olendar si an i Europa, 12 milionia formiribaja o majbaro europakoro minjoriteti. Isi Roma so dživdinen thaj an i Amerika, Australia, Latino Amerika thaj ki Arabia. O Roma si dizutne ko thema kote dživdinen , si len institucionalno bariere so keren blokada an o integracie.

I migracia tari India avipaja an o europakere teritorie sine palo odova 500 beršengoro phanlipa sar robia an i Romania, masovno mudaripa ko vakti taro Holokausti, zorea kerdi asimilacia ko 1990-to berša an i Utarali thaj Centarlno Europa. Palo periba taro Berlinsko duvar , pobut eruopakere thema premal i romani populacia bizi desavi politikani definicia keren socialno inkluzia. Numa olengiri historia thaj o neve politike si thanjarde ko motivirime segregacie thaj etnikano hulavipa. 

Ko akana sig dendo raporti taro Specialno reporteri taro UN bašo o niamia taro minjoritetia akcentirinela globalno hulavipa ko vjavahri e Romane minjoriteteske thaj thavdel majodorig i marginalizacia thaj diskriminacia. Akana panda si bari natolerancia an i Europa legarde premal o Roma thaj aver grupe.

 

Pobuter an o linko:  http://hir.harvard.edu/beyond-the-roma-issue-holistically-combatting-the-marginalization-of-roma-populations/


Magazine - Other articles

FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 8

Yesterday 111

Week 267

Month 3574

All 443598

Currently are 59 guests and no members online

Kubik-Rubik Joomla! Extensions