Ko video kote so dikhela pe brutalno agresia upral o terno Rom si tema so buvljarela pe ko socialno netvorko. O kotora so si snimime sar materiali sikavel pe telal o anav "Gospodari na efira".
Karana akale brutalno momenteske si i replika taro terno Rom kote vakerel "o duj da džene siam jekh a jekh".
Te šaj sikavel kaj odova nane agjaar o bugari sikavel plo brutaliteti thaj superiotiteti upral o terno Rom ov počmingja te khuvel ole prencar thaj boksencar upral o muj thaj o trupo replikaja: " Našti Bugari te ovel jekh a jekh Romea, Me na sium Rom, me sium Bugari, me em tu na siam jekh". Palo odova počmingja te maltretirinel le lafencar "ušti", jali "pašlkov" kote o terno rom tari dar šunela le sine ma te ovel pološno. O atakujmo terno rom si identifikujmo sar Mitko taro Ovčepolci an i diz Pazardžik. O Bugari si identifikujmo sar 26 beršengoro Angel Kalev kote korkoro vakerel kaj na dikhela pe sar došalo numa ov si sar baro nacionalisti Bugari, kote o Roma si pendžarde sar manuša so na mangen te keren buti, thaj mangena devlenge. Savi reakcia akana ka kerel e bugariakoro legaripa ka sikavel o vakti. O terno Rom o Mitko si bizo jeria, korkoro kerela buti thaj parvarel ple 4 phralen.
