O rodaripa taro o kotora so ačhile taro danda taro nacistikano diktatoro peravgje sa o dileme kaj o Hitler čače mulo an o 1945 berš.
O Adolf Hitler sine le but bilačhe danda. Odova fakti sine pendžardo dži akana, numa okova so si nevo kaj si arakhlo validno fakti bašo korkoromudaripa e Hitlereske an o 30 aprilo 1945 berš . Timi taro francusko patologia, akana sig resle decizia te keren rodaripa taro nekobor danda taro hitler so beršencar sine arakhle an i Moskva, a sine arakhle an o Berlin ko starti taro maj 1945 berš . Akava si avgo drom rusiakere legaripa te mukhen nekske te rodel akala elementia. I konkluzia taro o ekspertia so sine sikavde persi kurko si klar decidno.
„O danda si autentično - nane nisavi dilema", vakergja o patologo Filip Šarlie e agenciake AFP. "Amare analize sikavgje kaj o Hitler čače mulo an o 1945 berš".
O naučnikia resle dekreto te keren analiza thaj taro čerepi taro Hitler te šaj del pe fakti sar kergja ov o korkoromudaripa.
O danda si čačutni forma so dengja o stomatologo taro Hitler thaj olende na sine arakhle supstance taro mas - an i linia e faktea kaj o Fireri sine vegetarijanco. O neve faktia la sikaven numa majpakjavutne nane te čhiven agor e špekulacienge kaj o nacistikano lideri nesar reslja te našel taro haosi ko agorutne divesa taro Dujto Lumiakoro maripa.
„Našti amen čhinava sa o konspirativno teorie bašo Hitler" vakerel o Šarlie. "Ov na našlja an i Argentina podmornicaja, nane an i garavdi baza an o Antartiko, jali ki kali rig e Lunake".
Majbaro numero historičaria pakjana kaj o Hitler mulo, thaj agjaar sar so si pendžardo korkori peste likvidaciaja an o oleskoro bunkeri.
Link: http://www.dw.com/mk/%D0%B7%D0%B0%D0%B1%D0%B8%D1%82%D0%
